Joe: 亞May，你住喺邊度呀？ 

May: 我住喺蔚藍灣畔。 

Peter: 啊，坑口嗰度嘛，咁返工咪好方便囉？ 

May: 係呀。我喺坑口搭11號M小巴，差唔多半個鐘頭就到科大嘞！咁Peter，你又點返工㗎？ 

Peter: 我住喺沙田。每日由屋企搭小巴去沙田火車站，然後搭校巴返工。差唔多要成個鐘頭。 

May: 係呀，不過搭校巴應該好舒服㗎！ 

Peter: 係好舒服。係呢，阿Joe，你好似住係對面海噃，返工係唔係好唔方便呀？ 

Joe: 唔會吖，我住喺跑馬地，每日揸車，由東隧嚟科大，都唔駛九個字。 

May: 咁又真係幾快喎。 

Joe: 快就快喇，不過養一架車好貴㗎。 

Joe: May, where do you live? 

May: I live in Laguna City. 

Peter: Oh, in Hang Hou, isn't it very convenient for you to go to work? 

May: Yep. I take minibus 11M, and about half an hour I will be at HKUST. How about you, Peter, how do you go to work? 

Peter: I live in Shatin; every day I take a mini-bus to the Shatin station. Then I take the university bus to the university. It takes almost an hour. 

May: You are right. But it should be very comfortable. 

Peter: Yes, very comfortable. And how about you, Joe? You live on the Hong Kong Island. Is it very problematic to commute to work? 

Joe: Not really; I live in Happy Valley. I drive to HKUST via the Eastern Harbour Crossing every day. It takes less than 45 minutes. 

May: It’s really fast. 

Joe: Yes, it’s fast. But maintaining a car is expensive. 

Joe: a-May, néih jyuh hái bīn douh a? 

May: ngóh jyuh hái wei làahm wāan buhn. 

Peter: óh. Hāang Háu gó douh máh. gám fāan gūng maih hóu fōng bihn lō? 

May: haih a, ngóh hái Hāang Háu daap sahp yāt houh M síu bā, chā m̀h dō bun go jūng tàuh jauh dou Fō Daaih laak. gám Peter, néih yauh dím fāan gūng a? 

Peter: ngóh jyuh hái Sā Tìhn. múih yaht yàuh ngūk kéi daap síu bā heui Sā Tìhn fó chē jaahm, yìhn hauh daap haauh bā fāan gūng. chā m̀h dō yiu sèhng go jūng tàuh. 

May: haih a bāt gwo daap haauh bā yīng gōi hóu syū fuhk gaak. 

Peter: haih hóu syū fuhk. haih nē, a Joe, néih hóu chíh jyuh hái deui mihn hói bo, fāan gūng haih m̀h haih hóu m̀h fōng bìhn a? 

Joe: m̀h wúih ā, ngóh jyuh hái Páau Máh Déi, múih yaht jā chē, yàuh Dūng Seuih lèih Fō Daaih, dō m̀h sái gáu go jih. 

May: gám yauh jān haih géi faai wo. 

Joe: faai jauh faai laak, bāt gwo yeúhng yāt ga chē hóu gwai ga.