Carmen: 我啲屋企人大部份都唔喺香港，我宜家一個人住。 

Ken: 係呀？咁你啲屋企人喺邊度呀？  

Carmen: 我爸爸舊年過咗身，我媽媽同哥哥、阿嫂喺多倫多住，妹妹就喺紐約。 

Ken: 你妹妹喺紐約讀書呀？  

Carmen: 唔係，佢前年已經大學畢業喇，宜家喺紐約做嘢。  

Ken: 做緊乜嘢呀？  

Carmen: 佢做時裝設計。  

Ken: 嘩咁叻女呀。  

Carmen: 麻麻哋啦。咁你呢？ 屋企人喺唔喺香港呀？  

Ken: 我爸爸媽媽宜家就同我住，不過哥哥就住喺新加坡。 

Carmen: 移咗民去嗰度呀？  

Ken: 係呀，去咗5年喇，都成日有返嚟嘅。  

Carmen: 咁你呢，會唔會跟埋佢移民新加坡呀？  

Ken: 唔會，香港咁好，點捨得走呀？ 

Carmen: Most of my family members don't live in Hong Kong. I live on my own now. 

Ken: Yeah? Where is your family? 

Carmen: My father died last year; my mother is living with my brother and his wife in Toronto. My younger sister is living in New York. 

Ken: Is your sister still studying? 

Carmen: No. She graduated the year before last; now she is working in New York. 

Ken: What is she doing? 

Carmen: Fashion design. 

Ken: Wow, so smart! 

Carmen: Well, she's OK. How about you? Is your family in Hong Kong? 

Ken: At the moment, my dad and my mum stay with me, but my older brother lives in Singapore. 

Carmen: Emigrated there? 

Ken: Yes, already there for five years. But he comes back very often. 

Carmen: How about you? Will you be like your brother, emigrating to Singapore? 

Ken: No. Hong Kong is so good. How could I leave this place? 

Carmen: ngóh dī ūk kéih yàhn daaih bouh fahn dōu m̀h hái hēung góng, ngóh yìh gā yāt go yàhn jyuh. 

Ken: haih àh? gám néih dī ūk kéih yàhn hái bīn douh a? 

Carmen: ngóh bāh bā gauh nín gwo jó sān, ngóh màh mā tùhng gòh gō, a sóu hái dō lèuhn dō jyuh, mùih múi jauh hái náu yeuk. 

Ken: néih mùih múi hái náu yeuk duhk syū àh? 

Carmen: m̀h haih, kéuih chìhn nìhn yíh gīng daaih hohk bāt yihp laak, yìh gā hái náu yeuk jouh yéh. 

Ken: jouh gán māt yéh a? 

Carmen: kéuih jouh sìh jōng chit gai. 

Ken: wa gām lēk néuih àh! 

Carmen: màh mà déi lā. gám néih ne? ūk kéih yàhn hái m̀h hái hēung góng a? 

Ken: ngóh bàh bā màh mā yìh gā jauh tùhng ngóh jyuh, bāt gwo gòh gō jauh jyuh hái sīng ga bō. 

Carmen: yìh jó màhn heui gó douh àh?  

Ken: haih a, heui jó nǵh nìhn la, dōu sìhng yaht yáuh fāan lèih gé. 

Carmen: gám néih nē, wúih m̀h wúih gān màaih kéuih yìh màhn sān ga bō a? 

Ken: m̀h wúih, hēung góng gam hóu, dím sé dāk jáu a?